Tit Jounal Mega maten pou jedi 27 AVril 2017 la

Yon gwoup 4 senatè ki gen ladan-l Ricard Pierre, Antonio Cheramy, Nenel Cassy ak Evalière Beauplan ekri buwo sena pou mande-l fè ekskuz publik sou fason sena te abode dosye senatè elu grandans lan Guy Philippe nan rezolusyon yo te adopte an favè ansyen chèf rebel 2004 la , nan menm korespondans sa yo mande prezidan republik la Jovenel Moise klarifye pou nasyon an relasyon-l genyen ak Guy Philippe.

Pa gen okenn supriz nan revelasyon senatè elu grandans lan Guy Philippe fè devan tribunal ameriken, tout fwa non Guy Philippe te toujou konn site nan lis moun ki abitye site kom trafikan dwog , se deklarsyon ansyen komisè gouvènman potoprens lan mèt Claudy Gassant ki sepandan kontinye denonse fom arestasyon sa li kalifye ilegal ak abitrè.

Yon delegasyon Unyon ewopeyèn ki gen ladan-l reprezantan palman ak vis prezidan bank ewopeyen an dwe vizite peyi dayiti nan semèn kap vini la daprè anbasadè UE akredite an ayiti-a Vincent Degère ki presize Vizit reprezantan palman se pou evalye pwosesis elektoral pase a aloske vizit vis prezidan bank UE-a se pou wè nan ki mezi yo kapab enplante yon pwojè post matthew nan depatman sud peyi-a.

Sou wo patronaj buwo premye dam republik la ak divès patnè la sante tankou UNICEF, OPS ak OMS , ministè sante publik lanse jounen mekredi 26 avril 2017 la ‘’semèn vaksinasyon amerik yo’’. Se te okazyon pou MSPP ak premye dam lan Martine Moise ankouraje paran yo vaksinen ti moun yo pou evite yo mouri ak yon seri maladi.

Se nan lokalite lagranj nan bokozèl 5èm seksyon kominal sen mak’’ Karavan chanjman’’an pral lanse premye me kap vini la, se 197 milyon goud ki mobilize pou aktivite sa nan depatman latibonit peyi-a daprè youn nan pot pawol prezidans lan Thamara Orion ki raple aktivite sa antre nan kad promès kanpay prezidan republik la pou sektè agrikol la.

Semèn ewop 2017 la an ayiti lanse ayè mercredi 26 Avril la, se yon festival ki oganize chak ane pou mete an valè unyon ewopeyèn ak koperasyon-l ak ayiti. Pou make semèn ewop la divès aktivite kulturèl prevwa nan divès vil nan peyi-a tankou potoprens, okay ak okap soti 2 pou rive 16 me kap vini la daprè anbasadè UE an ayiti Vincent Degère.

5 moun mouri sou plas epi 2 lot blese ak bal nan lannwit mardi pou louvri ayè mercredi-a se bilan yon tèrib fuziyad yè swa nan komun kafou ant Brochette 95 et 97, viktim yo se yon seri adolesan ki gen ant 14 a 17 an ki tap bwè byè sou katye –a kote bandi ame sou moto siklèt ouvè kout zam sou foul la daprè sa yon sous nan lapolis la konfime pou radio Mega.

Yon gwoup jèn jounalis ak divès lot pèsonalite nan sosyete-a lanse ofisyèlman ayè mercredi-a ayiti-Urgence, yon mouvman ki vize denonse medyokrite ak kòwupsyon nan peyi-a pandan yo profite anonse yon mach pasifik pou lundi premye me kap vini la pou egzije entegrasyon jenès la nan administrasyon publik la.

Nan diferan rubrik jounal yo: Paj entènasyonal jounal la avèk Rodrigue Séjour, sante avèk Doktè Eliode Pierre, espo avèk Prevalien Mackenson Prevalien, rubrik enviet -a avèk Salomon Sedmé. Envite jounal la pou maten an se senatè Jean Rigaud Belizaire . Randevou : 8:30

Comments

comments