Tit jounal Mega Maten pou mèkredi 26 avril la

Tit Jounal Mega Maten | mèkredi 26 avril 

Opinyon yo divize nan sena republik aprè temwayaj senatè elu grandans lan Guy Philippe devan lajistis amerikèn lundi pase-a, senatè ki pat vote rezolisyon pou dneonse arestasyon ak ekstradisyon Guy Philippe yo soti satisfè sou pozisyon yo te adopte aloske sila yo ki vote dokuman sa montre se fom arestasyon an yo te tap denonse .

Fanmi Lavalas bat bravo pou fason lajistis amerikèn ap trete dosye Guy Philippe la, doktè Schiller Louidor ki prezante ansyen chèf rebèl 2004 la kom yon kriminèl ankouraje DEA mache pran divès pèsonalite enpotan nan peyi-a tankou palmantè ak prezidan republik la ki gen bon jan relasyon zanmitay ak ansyen chèf rebèl 2004 la ki plede koupab devan yon tribunal nan floride nan dosye trafik dwog ak blanchiman lajan .

Desizyon ki pran pou debloke 100 milyon goud pou  sekirite chèf leta antre nan kad enjistis ak inegalite sosyal peyizan yo pa sispann sibi nan sosyete-a se daprè senatè PHTK Jacques Sauveur Jean ki denonse fason dosye sekirite prezidan repiblik la ap trete nan tout koridò pandan palmantè-a montre-l pa kwè nan enfomasyon ki vle fè kwè yon endividu ta franchi tout baryè palè nasyonal pou tal asasinen prezidan prezidan repiblik la.

Ministè jistis ak sekirite piblik nan tet kole ak Minustha oganize ayè madi 25 avril la yon atelye travay pou dives aktè nan chèn penal la pou pemet yo reflechi epi travay sou yon avan powjè lwa ki vize pote asistans jiridik legal bay tout jitisyab yo.

« Ann fini nèt ak malarya sou tè dayiti » se sou tèm sa ministè sante publik ak patnè la sante yo selebre jounen mondyal malarya ayè mardi 25 Avril 2017 la , se te okazyon pou minis sante publik la eksprime gwo enkyetid li genyen sou vitès malarya an ayiti espesyalman nan sid  ak grandans peyi-a.

Diferan rubrik jounal la : paj entènasyonal la avèk Rodrigue Sejour, wonn provens yo avèk Salomon Sedmé, rubrik espo-a avèk Prevalien Mackenson, Santé avèk Doktè Eliode Pierre epi rubrik envite jounal a pati 8:00 am avèk Salomon Sedmé. Radio mega , gwo radio-a. Mèt Claudy Gassant se envite jounal la pou maten an.

Comments

comments