Jakmèl: avoka yo tanmen mouvman « Demaske Koripsyon » pou denonse machann jistis

Jakmèl, mèkredi 20 avril [Radio Méga].–Jakmèl boulvèse anpil dènye jou sa,depi lendi 18 avril, yon seri mouvman pwotestasyon ap pran jarèt nan vil jakmèl,sa gen twa(3) jou depi tribinal sivil ak Pakè jakmèl paka fonksyone akòz mouvman ki pote non « Demaske Koripsyon » yon gwoup avoka militan nan bawo jakmèl kap denonse koripsyon sou tout fòm ki gangrennen aparèy jistis nan jiridiksyon an epi mande pou gen lavaj ki fèt nan tribinal sivil ak pakè a.

Menm jounen lendi sa, direksyon depatmantal edikasyon sidès pa fonksyone akòz yon move sant kap degaje andedan batiman ki loje enstitisyon sa rann anplwaye yo pat vle rantre nan biwo yo.

Madi 19 avril, etidyan fakilte dwa jakmèl la anpeche direksyon Jeneral Enpo(DGI) fonksyone pandan plizyè èd tan nan jounen an. Etidyan pwotestatè yo ap reklame yon pòsyon tè pou konstriksyon fakilte dwa a kap fonksyone depi nan lane 2010 andedan lekòl nasyonal k-rock nan zoranje.

Mèkredi 20 avril, plizyè òganizasyon de baz pami yo Sosyete Makaya(SOMA) akonpaye gwoup avoka kap pwoteste kont koripsyon nan aparèy jistis jakmèl la fè yon mouvman devan pakè a maten mèkredi sa pou pwoteste kont desizyon komisè gouvènman AI jakmèl la pran pou remèt yon anplwaye anbasab frans yon machin kite touye yon jèn gason Jean Ricot Durand vandredi 25 mas 2016 aloske viktim lan poko antere ni paran li poko jwenn dedomajman ak reparasyon pou pèt sa.

Redaksyon : Fritzner Philogène

Comments

comments

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *