Jakmèl: Yon gwo dife eklate,bilan yon mò ak dega materyèl

Yon timoun 3 lane mouri, 2 kay boule rapyetè, se bilan yon gwo dife ki eklate bò 1 hrs maten dimanch 10 jiyè a lakay fanmi Castel nan St Hélène vil Jakmèl.

Johnley Castel, se non ti gason 3 lane sa ki mouri boule andedan kay la.

Chak wikenn manman pitit la pati kitel nan kay la al nan pwogram disko nan klèb, daprè eksplikasyon Sony Chérubin youn nan manb fanmi an ki presize se yon balèn kita ret limen andedan chanm kote timoun lan te ye a ki kòz dife eklate boule 2 kay yo.

Se nan moman Sapè Ponpye yo ap etenn dife a bò 2 hr 30, manman pitit la rive nan zòn lan, yon tibout pantalon nwa san fouk ak yon kòsaj blan manch long sou li akonpaye yon gwoup medam menm baz la.

Polisye yo arete epi kondwi manman timoun viktim lan nan komisarya Jakmel la.

N‘ap souliye, timoun lan boule redwi an sann.

SOUS: Fritzner Philogene

Comments

comments

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *