Tit Jounal mega maten pou Vendredi 28 Avril 2017 la

Jounal Mega Maten | 6:00-8:30

Konsèy elektoral provizwa ap tann yon desizyon tribunal ameriken sou dosye senatè elu grandans lan Guy Philippe avan enstitusyon an jwenn yon formul pou ranplase senatè elu konsosyom lan nan gran ko-a daprè direktè kominikasyon KEP-a Richardson Dumel .

Konsosyom nasyonal pati politik ayisyen yo kontinye denonse arestasyon senatè elu pati –a Guy Philippe yo kalifye de kidnaping pandan yo profite lanse yon pinga bay KEP-a sou ranplasman Guy Philippe nan sena tout fwa responsab konsosyom yo raple konsèy la manda palmantè-a rete pou pati-a.

Senatè Jean Rigaud Belizaire ki te vote revolusyon pou te denonse arestasyon ak ekstradisyon Guy Philippe kay Tonton Sam toujou rete atache ak rezolusyon sa tout fwa palmantè-a raple se fom arestasyon an asanble senatè yo tap proteste.

Lansman karavay chanjman se pou lundi premye me kap vini la nan depatman lartibonit peyi-a, nan sans sa prezidan republik la Jovenel Moise kondane atitud sèten sektè kap kritike program sa chèf leta di ki komanse bay anpil rezulta nan vale-a.
Prezidan republik la Jovenel Moise patisipe ayè jeudi-a nan inogurasyon zon franch Digneron, pak endistriyèl sa ki nan komun kwadèboukè pral fasilite kreyasyon 9 mil anplwa dirèk disi lane 2018 daprè chef leta ki promèt supo leta ak antrepriz sa pou fasilite-l kreye plis djob nan peyi a.
Direksyon jeneral polis nasyonal la lanse ayè jeudi-a operasyon ouragan 1 , Operasyon sa ki mobilize 3 mil polisye pral etann li sou 3 depatman nan peyi-a nan lide pou diminye to kriminalite a daprè pot pawol adjwen PNH la enspektè Garry Desrosiers.

Gen 6 polisye ki déjà plase nan izolman nan kad ankèt DCPJ tanmen sou ensidan ki te rive nan palè nasyonal vendredi pou louvri samedi pase-a , endividu sa ki te rive antre nan palè-a site non divès ajan ki fè pati sèvis sekurite enstitusyon sa daprè Garry Desrosiers .

Yon Delegasyon Oganizasyon entènasyonal frankofoni (OIF) ki te gen nan tèt li direktè afè politik ak gouvenans demokratik la Georges Nakseu NGuefang,vizite sena republik la ayè jeudi-a, bwase lide yo te fèt sou apwi OIF deside bay nan ranfosman diferan komisyon pemanant ak spesyal yo nan palman pou rannn yo pi pèfoman daprè daprè prezidan sena Youri Latortue.

Nan diferan rubrik jounal yo: Paj entènasyonal jounal la avèk Rodrigue Séjour, sante avèk Doktè Eliode Pierre, espo avèk Prevalien Mackenson Prevalien, rubrik envite -a avèk Salomon Sedmé. Envite jounal la pou maten an se konseye espesyal prezidan republik la Guichard Doré. Randevou : 8:30

Comments

comments

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *